တငွေ့ငွေ့

ညင်သာလှိုက်မောမှု ဂီတနဲ့
အပြာရောင် နှင်းဆီတစ်ပွင့်ကို ငေးရင်း
မြဲခြင်း မမြဲခြင်း ရသမှာ
အိပ်မက်နဲ့အတူ
တိမ်တွေလိုဘဲ
အသေချာဆုံး မျောလွင့်မလို့
တငွေ့ငွေ့လေး ထွေးပိုက်ထားပါ။

(ခင်လေးငယ်) 

မြစ်တစ်စင်းရဲ့ လျှိုဝှက်ခြင်း

လတစ်ခြမ်းနဲ့ ညကမ်းပါးမှာ
သူမရဲ့ စကားထှာတွေက
မြစ်တစ်စင်းလို နက်ရှိုင်းတယ် ။

နက်ရှိုင်းမှုကို လိုက်လေလေ
ကျယ်ပြန့်မှုက မှန်းဆရ ခက်လေလေပဲ ။

အတက်အကျ မြန်တဲ့ စီးဆင်းမှုဟာ
ငါ့ ကမ်းပါးကို တတိတိ တိုက်စားလာတယ် ။

တိုက်စားခြင်းတွေရဲ့ အမှောင်ရိပ်အောက်မှာ
ပြိုလဲခြင်းတွေ . . . . . . . .

တစ် . စ . . . . . . .
တစ် . . စ . . . .
တစ် . . . စ .


ဒီလိုနဲ့ပဲ
ငါ့နှလုံးသားရဲ့ ဘယ်အရပ်ဒေသတွေအထိ
မင်း . . . . . . .
နောက်ဆုံး ရောက်ခဲ့ပြီလဲ . . . ။

လင်းခေတ်ဒီနို

ဥပက နဲ့ မစာဝါ

သခင်မျိုးဟေ့ ဒို့မြန်မာ

စိတ်၏ အနာများ

မြန်မာဆိုတာ မင်းမမေ့နဲ့

အချစ်အကြောင်း(၁)

ဒီစက္ကူပေါ်က ငါ့ အဖျားသွေးဟာ
မင်းအတွက် ပျော်စရာဖြစ်ပါစေ …..
ဒီလိုပါပဲ ငါ ရည်ရွယ်လိုက်ပါရဲ့။

အိုမင်းရင့်ရော်မှုတချို့ကို
ရုတ်တရက် ရှာတွေ့သွားသလို
ခြောက်သွေ့အိုက်စက်တဲ့ ညထဲမှာ
ငါက မနက်ခင်းတစ်ခုရဲ့
အနီရောင်အရိပ်ကလေးကို လွမ်းလို့ …………. ။

ငါ့ရင်ထဲက ဇီးကွက်တွေ
မင်းအကြောင့်ဖြစ်တဲ့ အိပ်စက်ခြင်းများ
အားလုံး တိတ်ဆိတ်နေပြီ။

အခု မင်းပန်းချီကားတွေကို
ဘာအဓိပါယ်မှမရှိဘဲ
ငါ ငေးနေမိတယ်။
အချစ် ဟုတ်လား…………
သွားစမ်းပါ။

မင်းနှုတ်ခမ်း ပျော့ပျော့လေးတွေဟာ
ပြသနာပဲ၊
သူသေရင် တို့ပါ လိုက်သေပေးမယ်လေ တဲ့
ပြသနာပဲ၊
ရည်းစားဟောင်းတွေအကြောင်း ပြောကြရင်
ငါ့ စိတ်က ထိလွယ်၊ ရှလွယ်
ပြသနာပဲ၊
ငါတို့ နှစ်ယောက်အတွက်
အရာရာဟာ ပြသနာပဲ။

မင်းကပဲ ငါ့ကျောပိုးအိတ်ထဲ
ဒိုင်ဗင်ထိုးချခဲ့သလား။
ငါကပဲ မင်းရနံ့တေါကို
ဖျားယောင်းမိသလား။
ဒီအချိန်ဆို မင်းတစ်ယောက်
ဟိုတယ်တစ်ခုရဲ့ အခန်းထဲမှာ
ရက်ဂေးသီချင်းတွေနဲ့ ကနေရော့မယ်။

ဒါမှမဟုတ်
မီးခိုးငွေ့တွေနဲ့ မင်းအပျင်းဖြေနေမှာပေါ့။
စီးကရက်တွေကလည်း
ကုန်လွယ်လွန်းလိုက်တာကွာ …………..

အခန်းတံခါးကို ဒိုင်း ခနဲ ဆောင့်ပိတ်
ကိုယ့်ကိစ္စနဲ့ကိုယ်ပဲ
ဘယ်သူ ဘာပြောချင်သလဲ။

ပန်းတွေလင်းနေတဲ့ ပုံပြင်၊
အ၀ါရောင် ဘ၀စာမျက်နှာများ၊
အချစ်ဆိုတာ
မင်းနဲ့ငါနဲ့ကြားမှာ
ရေစိုသွားသော သစ်ရွက်ကလေးများပမာ။

ဝင်္ကပါလို မင်းအကြည့်များကြောင့်
ချစ်မေတ္တာဟာ ရှုပ်ထွေးနေရဲ့
ငါ့အလွမ်းတွေလည်း တဆတ်ဆတ်ခါနေရဲ့။

အခုတော့ငါက
လက်ဖြောင့်တပ်သားတစ်ယောက်ပေါ့။
အချစ်ကို
သေနတ်ပြောင်းထဲမှာပဲ
ဖွက်ထားလိုက်တော့မယ်။ ။

♥♥♥♥♥♥♥♥♥♥♥♥♥♥♥♥♥♥

အချစ်ကြောင်း(၂)


။ ၁ ။
ကလင် … ကလင် …… ကလင်

ဖုန်းမြည်သံဟာ
အချက်အလက်အပြည့်အစုံနဲ့
ငါ့ဦးနှောက်ကို မီးရှို့နေရဲ့။

လူဆိုတာ တစ်ကြိမ်တစ်ခါတော့
ရူးတတ်ကြစမြဲ။
ဒီလိုဆိုဖြင့်
ဟောဗျာ………
ခက်ရချည်ရဲ့ ……..
မတွေ့ရတဲ့ နေ့စွဲတွေအတွက်
မင်းကို တစိမ့်စိမ့်လွမ်းအောင်
ဘယ်လိုများ သံပတ်ပေးထားသလဲဟင်။


မိုင် ၁၀၀ ကျော် လူချင်းဝေးနေလည်း
မင်းအသံကို သယ်ဆောင်လာတဲ့
ဖုန်းကြိုးတွေဟာ အံ့သြစရာပဲ။

ရုတ်တရက် သစ်ကိုင်းကျိုးသံ
မိုးကြိုးပစ်သံ
ဘယ်အရာကမှ
မင်းအချစ်လောက် မခမ်းနားဘူး။

အစားအစာဆိုတာ အလကားပဲ၊
ဘုရားစာရွတ်တော့လည်း
ဘာမှ မထူးခြားဘူး။
ညက နက်သထက်နက်လာပြီ။

အိပ်မက်ထဲရောက်တော့
ငါ့နဖူးကို
မင်းနှုတ်ခမ်းလေးက ခလုတ်ဝင်တိုက်သတဲ့။
ဘေးနားမှ ဗုံးကွဲတာတောင်
အဲဒီအိပ်မက်က မနိုးချင်ဘူး။

။ ၂ ။
ကမ္ဘာကြီးမှာ
မီးတစ်ခေတ်
ရေတစ်ခေတ်

တောင်တန်းတွေ၊ လိပ်ပြာတွေ၊
အကြမ်းဖက်မှုတွေ၊ သြဇာသီးတွေ၊
ပြီးတော့
ငါ့သစ္စာနဲ့ ပျံသန်းနေတဲ့ မင်းအတောင်ပံတွေ ….

အရာရာဟာ စကားလုံးတွေဖြစ်ခဲ့ပြီးလား
အဝေးမြို့လေးဆီက သက်ပြင်းချသံ
မင်း ကြားနိုင်ပါ့မလား။

အခုတော့ ငါဟာ
မကြာခဏ ပေတေလေလွင့်ပြီး
ကောင်းကင်းကို ငုံ့ကြည့်သူ၊
သမ္မတဘုရ်ှရဲ့ မိန့်ခွန်းကို ဟားသူ၊
သူများကို အရိုအသေပေးဖို့ ခေါင်းမာသူ၊
မင်းလိုပဲ အလှောင်ခံရမှာကိုတော့ ရှက်တတ်သူ …….

ငါတို့ရဲ့ အငွေ့ပျံမှုမှာ
ဘယ်သူဟာ မိုးတိမ်အတုလဲ။
မင်းနှလုံးသားအကြောင်း ဘာသာပြန်ဟာ
ရောင်းမလောက်တဲ့ စာအုပ်ပဲ ။

ငါ့တို့သတင်းကို နားစွင့်နေသူတွေလည်း
တစ်နေ့တစ်ခြားများလာရဲ့။


။ ၃ ။

အရေးကြီးတဲ့ ပုံပြင်များ
လူသားဆန်တဲ့ လွပ်လပ်ခြင်းများ
ဒီနေ့ရဲ့ စက္ကူငှက်လေးများ
ရယ်လည်း ရယ်ချင်တယ်
စိတ်လည်းညစ်မိတယ်။
အရောင်မပါတဲ့ သက်တံလို
ငါက ရောင့်ရဲတတ်ပါတယ်။
နှင်းဆီဆိုတာလည်း
ကမ္ဘာဦးကတည်းက မွှေးပါလိမ့်မယ်။

ရင်ထဲက ဟာသတွေအတွက်
မီးလောက်နေတဲ့ စဉ်းစားခြင်းများအတွက်
ငါတို့အချစ်ဟာ
ပျင်းရိစရာ သတင်းတစ်ပုဒ်ပါပဲကွာ ……. ။

♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၃)


စိတ်ကူးနဲ့
အလွမ်းကို သင်ကြားရန်
စက္ကန့်လေးတွေကို ငေးကြည့်နေမိတယ်။

ငါ့ရှေ့က ရာစုနှစ်ကြီးတစ်ခုလုံး။
ငါ့နောက်က
လူပြိန်းတို့ရဲ့ ပျော်စရာနေ့များ၊
ဘေးမှာက
အဖျားဝင်နေတဲ့ မင်းရဲ့နှုတ်ခမ်းနီးတွေ ……..
ဒါနဲ့ပဲ
လူတွေ ပြောစရာဖြစ်ခဲ့ပြီးပေါ့။

တကယ်ဆို
လျှာတချို့ အယားပြေစေရုံပါ။
မင်းနဲ့ အထိအတွေ့တွေမှာ စိတ်ကြီးဝင်ဖို့
ဘယ်လို လောင်ကျွမ်းရမလဲ
ဘယ်လို မှောက်မှားရမလဲ
အခု ငါ သိပြီ။

ဒီနေ့ရဲ့ နောက်ဆုံးအကြောင်းအရာက
သတ္တုသစ်ပင် စိုက်ပျိုးရေး၊
ဒီနှစ်အတွက်
ပထမဆုံးရောဂါက မင်းပဲ။

သံစဉ်များ၊ မေ့ဆေးများ၊
စီးကရက်များ၊ ကော်ဖီခွက်များ၊
မတောက်ပသော ကြယ်ပွင့်များသည်လည်း
ဝမ်းနည်းဖွယ်ပင်။


နေ့စဉ်ရုပ်ရှင်ဟာ
တို့နှစ်ယောက်ကြားမှာ ဆက်ရန်မရှိဆဲ၊
ဒီရေအတက်ကျဟာလည်း
လမ်းဘေးဖက်ရှင်တစ်ခုလို ခေတ်စားနေဆဲ။

သွေးမတိတ်သေးတဲ့
အောင်မြင်ကျော်ကြားမှုအကြောင်းပြောရန်
ကျွန်တော်တို့ ပျင်းခဲ့ပါပြီ။

စာရွက်ပေါ်မှာ
အချစ်ကို မောင်းနှင်ခဲ့သူပါ
အခုတော့
ငါ့ နှလုံးသားသီချင်းတွေက
ဖွယ်ဖွယ်ရာရာ ပျံ့လွင့်လို့ ………။ ။။


♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၄)


အချစ်ကို ခြေရာခံမိဖို့
ကြယ်တွေဆီကို မေးခွန်းထုတ်မိတယ်။


စက်တပ်ယာဉ်တစ်မျိုးလား
တစ္ဆေသရဲတစ်ကောင်လား
နာမည်လေးလုံးနဲ့ ကောင်မလေးလား
ထုတ်ချင်းပေါက်နေတဲ့
စွယ်တော်ရွက်ကလေးမှာ
ငါက သတ္တိရှိရှိ ရပ်စောင့်နေခဲ့ပြီ။

အိမ်ငေးသူတစ်ယောက်က
နက်မှောင်နေတဲ့ ပြတင်းပေါက်မှာ
ရှုခင်းတစ်ချပ်ကို တပ်လိုက်ရဲ့။

သဘာဝတရားဆီမှ
တွန့်ကြေနေသော ရနံ့လေးကို
ဘ၀င်မြင့်မိသူပါ။

မင်းရဲ့နူးညံ့မှုကို
ငါက ကာကွယ်ပေးထားချင်တာပါ။

မင်းဒေါက်ဖိနပ်သံအောက်မှာ
ငါ့သွေးသားက
အရာရာကို ငြင်းတော့မယ်။


မတတ်နိုင်ဘူး
လူငယ်ဘ၀ဟာ
ထည်ဝါခမ်းနားမှုတွေကို
လက်မြှောက်ခိုင်းမှာပဲ။
နောက်ကျသစ်တောတွေလို
မီးလောင်ပြင်ကို ရယ်ပွဲဖွဲ့မှာပဲ။

ငါတို့ အချစ်တွေက
ဂျစ်ပစီ Levi’s တစ်ထည်ပေါ့။
ရောက်ရာအရပ်မှာ အကြမ်းခံမယ်
ခေတ်မီမယ်၊ ဖက်ရှင်ကျမယ်
နောက်ဆုံး စုတ်ပြတ်သွားတဲ့အထိ
လှပနေပါလိမ့်မယ်။

သတင်းသမားက သတင်းရှိရာသို့
အနုပညာရှင်က အနုပညာရှိရာသို့
ငါက မင်းနှလုံးသားရှိရာသို့ ……….။ ။


♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၅)


နေ့စဉ်ရက်ဆက်
အပေါက်အပြဲများမှာ၊
ရက်စက်မှုအတိပြီးသော
သံယောဇဉ်အနက်ရောင်ထဲမှာ
ဈေးကွက်မ၀င်တဲ့
အပျော်တမ်းရည်းစားစာတွေမှာ ……..
ငါ့တို့ နှစ်ယောက်
ရွက်လွှင့်ခဲ့ကြတယ်။။။။။။။။။။


မုန်တိုင်းလို ရွေ့လျားခြင်းမှ
လေပြေလို နူးညံ့မှုများဆီ………….။


အသည်းကွဲ စီးကရက်တွေနဲ့
ဆောင်းကို သတိရနေတဲ့ ဒဏ်ရာတွေလည်း
လှပစွာ ဖူးဖွင့်ခဲ့ပြီ။


မင်းက ငှက်အော်သံတွေနဲ့
အိပ်ရာထမယ်။
ငါက အလေအလွင့်မီးခိုးတွေကို
မက်မောမယ်။

ဘာပဲဖြစ်ဖြစ်
ထူးဆန်းမှုတခုနဲ့ ဆက်သွယ်ထားသော
နေ့စွဲများမှာ
ကြေးစား၊ လူပြိန်း၊ အနုပညာရှင်၊ အချစ်ရူး ……….
ဘယ်အရာက ခေါင်းစဉ်လဲ ။
ငါတို့ရဲ့ မနက်ဖြန်တွေကိုရော
ဘယ်သူက ဆုတ်ဖြဲပစ်နိုင်မှာလဲ။

ပန်းတချို့ဟာ
ဒုက္ခကြောင့် ပွင့်ကြပေါ့။

အခု ငါက
ငရဲသားတစ်ယောက်ပဲ
ဖြစ်ချင်ပါတယ်။
မင်းအလှမှာ ပူလောင်ဖို့ …….။

♥♥♥♥♥♥♥♥♥♥♥♥♥♥♥♥♥♥

အချစ် အကြောင်း (၆)


အမည်မပေးရသေးတဲ့
ပုံနှိပ်စာလုံးများမှာ
မင်းအကြည့်တွေနဲ့
ငါ့သံယောဇဉ်တချို့ဟာ ရောထွေးနေရဲ့။


နည်းပညာများစွာ
ဆင်းရဲခြင်းများစွာ
အသက်ရှင်နေထိုင်မှုများစွာ
တို့နှစ်ယောက်ဟာ
တာဝန်ကျေရုံ လူသားဆန်ခဲ့ခြင်းလား။
လက်ဖ၀ါးပေါ်မှ
အမှားလက္ခာဏာကို ချစ်တတ်ခဲ့ရဲ့လား။


မင်းကိုပြောဖို့ ပုံပြင်များက
ငါ့ဥိးနှောက်ဆီ ချီတက်လာကြပေါ့။

အဖြစ်အပျက်တွေ သိပ်မြန်ပေမယ့်
အဝေးဆုံးအထိ
ငါ့တို့ ခရီးရောက်ခဲ့ကြပြီ။


ဓားတစ်လက်ရဲ့ ပျော်ရွှင်မှုက
ငါ့ သွေးသားမှာ ပူနွေးလာရဲ့။

တစ်ခုတော့ မေးချင်မိတယ်။
ဒီကဗျာထဲက ငါ့အချစ်တွေကို
ဘယ်သူမီးရှို့နိုင်ပါ့မလဲ ။ ။

♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၇)


ဆောင်းရနံ့ဟာ
ငါ့အရိုးထဲအထိရောက်လာတယ်။

မင်းက
အနီရောင်အလှကို ကိုယ်စားပြုသူ၊
ငါက
အနက်ရောင်စဉ်းစားခြင်းမှာ ပျော်မွေ့သူ …….


နေ့စဉ်ဘ၀က
ဖုန်ခါဝတ်ရတဲ့ အင်္ကျီတွေပဲ။
ဒီဇင်ဘာမသိတဲ့ သီချင်တစ်ပုဒ်ပဲ။


ဟိတ်လူ ……. မကြော်ငြာနဲ့ဆိုသော်ငြား
ဒါက မေတ္တာတရားပါ
အနုပညာပါ

မျက်ကွင်းမှာ ညိုမည်းနေသော မိန်းမတစ်ယောက်
ပန်းချီရေးရင်း မဲ့ရွဲ့လို့၊
သစ်ရွက်ကြွေတွေမှာ နာမည်ထိုးလို့၊
ငါက အချစ်အကြောင်းကို
တွေးခေါ်ရေးချွတ်နေရဲ့ ။ ။


♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၈)


ဒဏ်ရာပဲ
မေ့ဆေးပဲ
အမှတ်တရ ဝေးကွာခြင်းပဲ။

အိပ်မက်ပဲ
သော့တွဲတွေပဲ
နေ့စဉ်စားဝတ်နေရေးပဲ။

ခံစားမှုဝါဒီပဲ
မှော်ဆရာပဲ
အပြာရောင်ရာသီဥတုပဲ။

ကြယ်အတုတွေပဲ
လောဘကြီးသော အတွင်းသံပဲ
မီးလျှံလို စွန့်စားသူပဲ။


လျှို့ဝှက်ချက်ပဲ
စိတ်လှုပ်ရှားဖွယ်ပဲ
ဘာကိုမဆို အလွယ်တကူပဲ။

အချစ်ပဲ
ဒါမှပဲ
ရှိမှာပဲ
ဖြစ်ပျက်သမျှပဲ။ ။


♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၉)


ရောဂါကို ဈေးဝယ်သလို
စူးစမ်းမိတယ်။

ကိုယ့်ကိုယ်ကို ကာကွယ်ရေးအတွက်
မြေပုံဆွဲရမယ်
အပျင်းပြေ ငါးမျှားမယ်
စာအုပ်ထိုင်ဖတ်မယ်။

ဘယ်လိုနေ့စွဲတွေပါလိမ့်ကွာ ………..
ကတိစကားတွေက
ခဏခဏ မိုးခေါင်နေရဲ့။


အတတ်ပညာကို
မီးညှိပြီးဖွာလိုက်မိပြီ။


အခုဒီကဗျာက
မင်းကို ချစ်တဲ့အကြောင်း
တစ်နေ့တစ်ကြောင်း ရေးထားတာပေါ့။ ။


♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၁၀)


ယုတ္တိမတန်သော ဇာတ်လမ်းတစ်ပုဒ်နဲ့
တယ်လီဖုန်းခေါ်သံစူးစူးက
တကယ်ပဲ လှပခဲ့ပါပြီ။


ခေါင်းတိုင်က မီးခိုးများလည်း
တနင်္ဂနွေပြေးလမ်းပေါ်မှာ တိတ်ဆိတ်လို့။


မင်းမျက်ဝန်းဆီမှာ
အစိမ်းရောင်ဘာသာစကားအား
ငါ စဉ်းစားနေဆဲ။


လမ်းတွေက
တစ်နေ့တခြား ပိုဝေးသွားကြ၊
တချို့လည်း
ဒဏ်ရာတွေကို မေ့သွားကြတယ်။


မင်းတစ်ယောက်
ကောင်းသော မနက်ခင်းများမှာ
ငါ့ကို သတိရပါစေ။


သြော်……..
ငါတို့ နေ့ရက်တွေက
နတ်ဖွက်ခံရတာလား၊
ဒါမှ မဟုတ်
လူကြိုက်များသော
မျက်လှည့်ပွဲတစ်မျိုးလား။ ။


♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၁၁)


ကဲ
ကြည့်ကြရအောင် ……… ။


ခေတ်ကာလထဲ ရပ်ငေးနေသော
အဖြူရောင်အ၀တ်စများ
ရောင်စုံဒိုင်ဗင်များ
ပျံသန်းခြင်းမိတ္တူများ
သူမ၏ ကိုယ်ရေးကိုယ်တာမှတ်တမ်းများ။

တို့က လွယ်လွယ်လေး
ချစ်တတ်၊ မုန်းတတ်သွားပြီး တဲ့ ………… ။

ဟုတ်မှာပါ
အလုပ်များတယ်
စိတ်ရှုပ်တယ်
မကြာခဏဖျားတယ်
သစ္စာတရားဆိုတာမရှိဘူး
အဲ ………. မယုံဘူး။

ဘောလုံးနည်းဗျူဟာတစ်စုံက
တိုက်စစ်ဟာ
အကောင်းဆုံးခံစစ်ပဲတဲ့။

ဒီလိုပါ …..
ရိတ်သိမ်းခဲ့သမျှဟာ
မစိုက်ရသေးတဲ့ သစ်ပင်တွေပါ ……….။။ ။

♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၁၂)


ဟုတ်သလားလို့ မေးရင်
နားလေးသလို ဟန်ဆောင်ထားလိုက်မယ်။

ထမင်းအကြွေးစားတယ်
အင်္ကျီအကြွေးဝယ်တယ်
အိမ်လခ အကြွေးထားတယ်
ဒါပေမယ့်
အကြွေးဇိမ်ခံလို့တော့ မသင့်တော်ဘူး။


မင်းနဲ့ ငါနဲ့ကြားက
သံယောဇဉ်အကြွေးများ ………… ။

ဆွေးသွားပြီ
သစ်သား၊
ပိတ်စ၊
ရတနာမြေပုံ၊
နှလုံးသားတစ်ခုနဲ့
သံမဏိချုပ်ရိုး။

မိုင်ထောင်ချီသော
ခရီးရှည်ကြီးပဲ၊
အချစ်ဆိုတာလည်း
နူးညံ့မှုတစ်ဝက်ပါတဲ့ ရမ္မက်ပဲ။


♥♥♥♥♥♥♥♥♥♥♥♥♥♥♥♥♥♥

အချစ်အကြောင်း (၁၃)


အံသြတာပဲ ……….. ။ ။

♥♥♥♥♥♥♥♥♥♥♥♥♥♥♥♥♥♥

ဝေမှူးသွင်
(ဒီဇင်ဘာ-၂၀၀၄)

အလွမ်းဟာမော်နီတာထဲမှာတလွင့်လွင့်

ခုတလော မျက်စိမှိတ်လိုက်ရင် ရင်ထဲကအစိုင်အခဲတွေပဲ တွေ့နေမိတယ် မော်နီတာထဲစိတ်ကိုထည့်မျှောလိုက်တော့လည်း လမ်းတစ်လျှောက်လုံးမှာ ကွန်နက်ရှင်ကမကောင်းဘူး အသက်ရှူလိုက်တိုင်း ရင်ထဲမှာတစ်စုံတစ်ခုခံနေတာကခက်တယ် စကားပြောလိုက်တိုင်း လည်ချောင်းတစ်လျှောက်မှာတစ်ဆို့လို့ ဒါ..ရောဂါပဲ။ ဗွီဇက်အို အရိပ်မှာ မေမေ့ပုံရိပ်လေး ရပ်တန့်သွားတုန်းခဏ မျက်ဝန်းတွေမှုန်မှိုင်းနေတာတွေ့လိုက်ရတယ် အလည်ပြန်လာမယ်ဆိုတဲ့စကားမှာ မေမေလက်ချိုးရေနေမလား စကားသံလေးထစ်အအ မှာ မေမေ လွမ်းနေမလား ညည်းကိုအမြင်ကတ်တယ် ဆိုတဲ့စကားလုံးလေးဟာ နားထဲမှာ ချိုလိုက်တာ မေမေရယ် မနီးသေးခင်အထိတော့ ခရီးကဝေးဝေးနေရဦးမှာပဲမဟုတ်လား ဒီလိုပဲ ဝေးသွားလိုက်နီးသွားလိုက် ခရီးတွေ..၊.. မိုင်တွေ ။ စိတ်ချင်းဝေးမသွားဖို့ကိုပဲ ကြိုးစားနေရတယ် တစ်ယောက်တည်းလို့ ခံစားမိတိုင်းမှာ အလွမ်းတွေကတနင့်တပိုးနဲ့ အရင်ကထမင်းဝိုင်းလေးကို လွမ်းတယ်မေမေ.. ခုအချိန်ခဏမှာတော့ ကျနေတဲ့ကွန်နက်ရှင်ထဲပဲ လွမ်းနေမိတဲ့စိတ်ကို ထည့်ထည့်မျှောဆဲ အချိန်ရဦးမယ်ဆိုရင်တော့ မေမေ့ရင်ခွင်မှာ အရင်လိုလေးခဏလောက် ပြန်အိပ်ချင်ပါသေးရဲ့..။ စိမ်းမြလင်းသစ် (29/09/2011)

တစ်နေ့တော့ပြန်လာခဲ့ပါ့မယ် . . . မေမေ

ဟိုးအဝေးမှာ

ကြယ်စင်တွေ..သူတို့စွမ်းသလောက်

မှုန်ပြပြပေမယ့်..“ လင်း ” ပြရှာတယ် မေမေ

ကျွန်တော်ရော...မေမေ့အတွက်

ဘယ်လို သစ္စာတရားတွေနဲ့

ဘယ်လို မေတ္တာတရားတွေနဲ့

“ လင်း ” ပြခဲ့ပြီးပြီလဲဟင် ...

မေမေ

ကျွန်တော်တို့အရပ်မှာ

နေတွေမပွင့်ဘူး .. လတွေမသာဘူး

အချိန်တိုင်းမှာ ဖိနှိပ်စီးပိုးမှုတွေနဲ့

ဘယ်လိုများ နေသာစရာကောင်းမှာတဲ့လဲ

ဂါရ၀တရား နဲ့ ရိုသေမှုဟာ

လူ့ဘုံသမိုင်းမှာ ပျောက်ဆုံးနေလေရဲ့

မေမေသင်ကြားခဲ့သမျှ

ကျွန်တော့်မှာ . . . . နောင်တ ဆိုတာကိုအဖော်ပြုလို့

ခရီးကြမ်းကို ဆက်လက်လွှင့်နေမိဆဲ

မေမေ

အဲဒီကောင်းကင်ကြီးအောက်

ကျွန်တော်တို့ မိုးရေတွေ အတူသောက်ခဲ့ကြဖူးတယ်

တနယ်တခြားမှာ

သူတို့ဟာ ဘာကြောင့်များ “ စိမ်း ” သွားကြတာလဲဟင်

ကျွန်တော်တို့ဟာ မြန်မာတွေပါမေမေ

ရွှေတိဂုံဘုရားကြီးရှိတယ်

ဇွဲကပင်တောင်ရှိတယ်

ဧရာဝတီမြစ်ကြီးရှိတယ်

ပုဂံ ရှိတယ်

ဂူဂဲလ်လောက်တော့ပွင့်နိုင်တဲ့ အင်တာနက်လိုင်းကြီးတွေရှိတယ်

တခါတခါ ပိုက်ဆံများရှိလို့ကတော့

လူပေါ်လူကျော်လည်း လုပ်နိုင်သေးတယ်မေမေရဲ့


မေမေ

မဝေးတော့တဲ့တစ်နေ့မှာပေါ့

ကျွန်တော်တို့ မျှော်လင့်ခြင်းတွေကိုယ်စီထုပ်ပိုး

မနိုးသော အိပ်မက်များ ကိုယ်စီနဲ့

မေမေ့အိမ်ကလေးကို ပြန်လာခဲ့မှာပါ

နှင်းဆီရနံ့တွေလွှမ်းနေတဲ့

မေမေ့ ပန်းခင်းလေးထဲ

ကျွန်တော့်ကို မျှော်နေမလားမေမေ

မေမေ့ ရင်ခွင်တံခါးကိုခေါက်

ကျွန်တော် သားချော့တေးတွေ ပြန်ကြားယောင်မိတယ်

လူကလေးရယ်..အိပ်ချိန်တန်..ဗျိုင်းရှေ့ကပျံ

ကျွန်တော့်မျက်ဝန်းတွေထဲ

အခါမလပ် အုံ့ဆိုင်း ရစ်သိုင်းနေဆဲပါ မေမေရယ်


မေမေ

ဒီမြေဒီရေဟာ ကျွန်တော့်အတွက်တော့

တမာခါးတွေစိုက်ပျိုးထားတဲ့ ပူပြင်းစူးရှ

ကန္တာရသက်သက်ရယ်ပါ မေမေ

တခမ်းတနား အဆောက်အအုံတွေနဲ့

မီးရထားဖြူဖြူကြီးတွေနဲ့

သူတို့ဟာ စက်ရုပ်တွေများလားမေမေ

အချိန်တန်အိပ် အချိန်တန်စား

ဘ၀ဟာ နေခြင်းလား... သေခြင်းလား

ဘယ်လို အသိတရားမျိုးတွေနဲ့

ကျွန်တော်ဆက်နေထိုင်ရမလဲဟင် မေမေ


မေမေ

နံနက်ခင်းနိုးထခါစ မေမေ့လက်ရာထမင်းကြော်နဲ့

ပဲပြုတ်ဆီဆမ်းကို ကျွန်တော်တအားလွမ်းတယ်မေမေ

ကျွန်တော့်ကို ဆူပါဦးမေမေ

ကျွန်တော့်ကို ရိုက်ပါဦးမေမေ

တခမ်းတနား အဆောင်အယောင်တွေကို

ကျွန်တော်မုန်းတီးနေခဲ့တာကြာပါပြီ

ဘ၀က လှိုင်းထန်လည်းပဲ

မေမေ့ ၀ဲဂရက်ထဲပဲ ကျွန်တော်လွန့်လူးပျော်မွှေ့ချင်တယ်

မေမေ့ လှေငယ်လေးပဲ ကျွန်တော် လှော်ခတ်ချင်တယ်

အို... မေမေရယ်

မဝေးတော့တဲ့ တစ်ရက်မှာပေါ့

ကျွန်တော် အရောက်ပြန်ခဲ့မှာပါ

ခွင့်လွှတ်ခြင်းတရားတွေ နဲ့ မေမေ့ ရင်ခွင်နွေးနွေးကြား

ကျွန်တော် အိပ်စက်ခိုလှုံပါရစေဦးနော်


(အဝေးရောက် “ သား ” များ ကိုယ်စား ခံစားရေးဖွဲ့ပါတယ် )


လွမ်းနေခွင့်

ထမင်းဝိုင်း

မိသားစုတွေစုံလင်ပေမဲ့
ကျွန်တော်မပါတဲ့ထမင်းဝိုင်း
အမေလွမ်းနေမယ်ဆိုတာ
သားသိနေတယ်…အမေ။
လပ်နေတဲ့တနေရာစာတွက်
ကျိတ်ငိုရတဲ့မျက်ရည်တွေနဲ့
သောကများနေမယ်ဆိုတာလည်း
သားသိနေတယ်…အမေ။
ဒီလိုပါပဲ…………….
ဟင်းရာတွေစုံလင်ပေမဲ့
ခြောက်ကပ်တိတ်ဆိတ်နေတဲ့
ကျွန်တော်ရဲ့ထမင်းဝိုင်းလေးလည်း
အထီးကျန်နေပါတယ်..အမေ။
မငိုပါနဲ့..အမေ
အိုနေတဲ့ပါးပြင်ကမျက်ရည်စတွေ
မကြာခင်တိတ်ရပါစေ့မယ်..။
လပ်နေတဲ့တနေရာစာလည်း
မကြာခင်ပြည့်ရပါစေ့မယ်
သားရဲ့အပြန်လမ်းမျှော်မှန်းရင်းသာ
ထမင်ဝိုင်းမှာစောင့်နေပါတော့…အမေ။
 ရန်လေး(ဖျာပုံ) 

နင်းကြမ်း

ပျော်တဲ့အခါ တေးဆိုပြီး
ငိုချင်တဲ့အခါ
ယိုးမယ်ဖွဲ့ကြပုံ။

ဆားနဲ့
သကြားနဲ့
လောကီကို
ကျကျနနမြည်းစမ်း။

လူ့ဘောင်က မတရား အမှိုက်ရှုပ်တယ်
လူ့ရွာက မတရား ချွေးပြန်တယ်။

ငါတို့
ဒီလိုပဲ ကျောက်ဖျာကို
သန်လျက်နဲ့ ထွင်းထွင်းသွားကြရုံ။ ။
အိုအောင်
(၂၀၀၃)

သားချော့တေး

သားရေ

ငိုသံတွေကို လမ်းခင်းပြီးမှ

မင်းရဲ့နန်းတော်ကြီးဆီ ရောက်မယ်ဆိုရင်

အဲဒီလမ်းကို မလျှောက်လေနဲ့။


မိုးလောက်ကြီးပဲ မြင့်ပါစေ

လူတွေရဲ့ ပခုံးကို တက်နင်းပြီးမှ

မင်းဘ၀ အထက်တန်းကျမယ်ဆိုရင်

အဲဒီအမြင့်ကိုလည်း မလှမ်းလေနဲ့။


မင်းရဲ့ ယုံကြည်ချက်ကြောင့်

ဘ၀တွေပျက်

အိုးအိမ်တွေပျက်

မိသားစုတွေရဲ့ ပျော်စရာအနာဂတ်တွေလည်း

ကြေကွဲပျက်စီးရမယ်ဆိုရင်

အဲဒီယုံကြည်ချက်ကိုလည်း မင်းအကောင်အထည်မဖော်လေနဲ့။


မသိနားမလည်သူ

လူတွေကို လှည့်စားပြီးမှ

ဇိမ်ခံခွင့်ရမယ်ဆိုရင်

အဲဒီစည်းစိမ်ကိုလည်း မင်း မမက်မောလေနဲ့။


ဒီလောကကြီးမှာ

သစ်သီးကလေးတစ်လုံး သီးဖို့

အချိန်တွေ အများကြီးယူရတယ်


ပန်းကလေးတစ်ပွင့် ပွင့်ဖို့

အဆင့်ဆင့် တည်ဆောက်ခဲ့ရတယ်

မြေနီလမ်း နံဘေးက

တောပန်းကလေးတွေကအစ ကြင်နာပါ


ဒုက္ခရောက်သူကို ဖေးကူပါ

လူ့သိက္ခာကို စောင့်ရှောက်ပါ

အပြစ်ကင်းမှုတိုင်းကို ချစ်ပါ။


ရိုးသားဖြူစင်သူတွေကို

တစ်ဖက်သတ် အနိုင်ယူပြီးမှ

မင်းရဲ့ သရဖူကို ရမယ်ဆိုရင်

အဲဒီသရဖူကိုလည်း မင်းလုံးဝမယူလေနဲ့။ ။


မိုဃ်းဇော်။

အခုတော့

အတိတ်လွင်းပြင်ဆီ စဉ်းစားမိသောခန
မျက်ရည်စတချို့ စည်းကြခဲ့ရပြီ
ရင်နစ်အောင်ချစ်ခဲ့ပြီးမှ မင်းရဲ့အနားက
ထင်မှတ်မထားပဲ ထွက်ခွာခဲ့ရတယ်
အချစ်ရယ် မင်းအကြောင်းတွေကို
မစဉ်းစားသင့်တော့မှန်းသိပေမဲ့ ကိုမဟုတ်တဲ့
တပါးသူရင်ခွင်ထဲမှာ မင်းပျော်နေရဲ့လား
ကိုယ့်အတွေးများက ရောက်ရောက်နေခဲ့တယ်

နောင်တများနဲ့ ကိုယ့်ရဲ့အမှားအတွက်
မင်းဘက်ကခွင့်လွှတ်ခဲ့မယ်ဆိုရင်တောင်
ကိုယ်ပျော်ရွှင်နိုင်မယ် မထင်ပါဘူး
မင်းနဲ့အတူ ပြုခဲ့တဲ့ သစ္စာ ထားခဲ့တဲ့ ကတိ ကိုဘယ်လို
ခိုင်မြဲသော်လည်း အခုတော့
တပါးသူရင်ခွင်ထဲမှာ မင်းပျော်ရွှင်နေခဲ့ပြီလေ

ချစ်တက်ခဲ့ပြီ

အချစ်ရယ်...
ညှို့ဓာတ်ပါတဲ့မျက်လုံးနဲ့
စွဲဆောင်နိုင်တဲ့ မင်းရဲ့အပြုံးတွေရဲ့အောက်မှာ
ငါ အကြိမ်ကြိမ် ကျရှုံးနေခဲ့တယ်
မဖြစ်နိုင်မှန်းသိပေမဲ့
မတွေ့ရတဲ့ရက်ကလေးတွေမှာ
ရောက်လာမလား ငါမျော်တက်နေခဲ့ပြီ
အချစ်ရယ်...

အဖြတ်ခက်တဲ့ သံယောဇာဉ်
မယစ်ပက်ခင် သတိတွေကိုယ့်ကိုယ်
အကြိမ်ကြိမ်ပေးခဲ့ပေမဲ့
အခုတော့
မင်းနဲ့ပက်သက်လို့ သံယောဇာဉ်တွေ
ယစ်ပက် ချစ်တက်ခဲ့ပြီ
မင်းရဲ့မျက်လုံး၊ မင်းရဲ့အပြုံးတွေအောက်မှာ
အကြိမ်ကြိမ် ကျရှုံးနေရပြီအချစ်ရယ်...

အဓိက

မင်းရဲ့အဖော်ကို မင်းက
အမှန်တကယ် ချစ်တယ်ဆိုရင်
မင်းရဲ့ စိတ်ပိုင်းဆိုင်ရာ
ရုပ်ပိုင်းဆိုင်ရာနဲ့ ခံစားမှု
အသိညာဏ်တွေ အားလုံးဟာ
တစ်နည်းအားဖြင့် ပြောရရင်တော့
မင်းရဲ့ ဘဝအဖော်ဟာ
မင်းဘဝရဲ့ အဓိက အက္ခရာပါ
သူဟာမင်းဘဝပါ.....

စဉ်းစားနေခိုက်

တွေတာကြာလာတော့ သံယောဇဉ်ဖြစ်
ရင်နစ်အောင်ချစ်ခဲပြီ...
သူသိဖို့ပြောချင်ပေမဲ့
ကိုယ့်ချစ်စကား ဥပေက္ခာထားလို့
မုန်းသွားမှာလား စဉ်းစားနေခိုက်
သူများသိမ်းပိုက် သွားလေပြီ...

ဆုံနိုင်ခွင့်

မင်းနဲ့ချစ်ခဲ့တဲ့ နှလုံးသား

မင်းထွက်သွားတော့မယ်ဆိုရင်

တပါတည်းထုက်သူသွားပါ အချစ်ရယ်

ဒီတသက် ဘယ်တော့မှ

ဆုံနိုင်ခွင့် မရနိုင်တော့ဘေူးလို့

သိလိုက်ရတဲ့ အချိန်...

စူနစ်စွာ ထုက်အော်လိုက်တဲ့စကား

ရင်ထဲမှာ နစ်ဆို့ထွက်ဖို့ခက်နေပြီ

ဘယ်ဆီမှန်းမသိတဲ့ အတိတ်ကို

နုတ်စိတ်ခါ အရှုံးပေး

တိတ်တိတ်လေးပဲ ကြေကွဲနေရပြီ...

အချစ်ရယ်...

ဘယ်သူနဲ့မှမတူ

ဘယ်သူနဲ့မှမတူ ကြည့်မိသူငါ
ဘယ်သူနဲ့မှမတူ တမူ ရင်ခုန်မိသူငါ
ဘယ်သူနဲ့မှမတူ တမူ အချစ်ပိုခဲ့သူငါ
ဘယ်သူနဲ့မှမတူ အလွမ်းအဆွေးတွေနဲ့
ဘယ်သူနဲ့မှမတူ အောင်ငါ
အလွမ်း၊ အဆွေး၊တွေနဲ့
ဘယ်သူနဲ့မှမတူအောင်
ခုတော့
ကိုယ် အရမ်းခံစား ကြေကွဲးနေရပြီ
အချစ်ရယ်...